செருப்புக்கு ஒரு கடிதம்

செருப்புக்கு கவிதை வடிவில் ஒரு கடிதம்.

உன்னுடன் ஒரு பேட்டி எடுத்தவன்
மேத்தா
உனக்கு கடிதம் எழுதுபவன்
நான்

ஆதரவற்றவனுக்கு அன்னம்
இல்லாத தருணத்திலும்
உன்னை விற்க
ஆயிரம் விளம்பரங்கள்

உன்னை விற்பவன்
செல்கிறான் மகிழுந்தில்
உனக்கு மருத்துவம் பார்ப்பவன்
இருக்கிறான் தெருவீதியில்

சிலநேரங்களில் நீ
காணாமல் போய்விடுகிறாய்
கோவில் விழாக்களில்

ஒருநாள் உன்னை
காணமாட்டார்கள்
பாதயாத்திரை பக்தர்கள்

கைக்கிளை மேற்கொள்ளும்
தலைவனுக்கு தலைமகள்
எடுத்துக்காட்டும் எச்சரிக்கை
ஆயுதம் நீ

இருப்பினும் 
உன் மருத்துவன்
சமூகத்தில் உயரவேண்டும்
அடியேன் அன்புடன் கேட்கிறேன்        

புயலே போய்விடு

போய்விடு ! போய்விடு!
புயலே நீ போய்விடு!

எங்கள் சாபம் உனக்கு வேண்டாம்
புயலே நீ போய்விடு

வேற்றுமையில் ஒற்றுமையாய் வாழும் 
எங்கள் இந்தியா
ஒற்றுமையை உருக்குலைக்க புயலே
நீ வந்தியா

கஜா என்ற உன் பெயரை உலகம்
உச்சரிக்க செய்தது ஏன்?
வரலாற்றில் இடம் பிடிக்கவா?

உன்னைக்கண்டு பணக்காரன்
மாடிவீட்டில் தங்கிவிட்டான்
நீ விட்ட பெருமூச்சில்
ஏழை குடிசையை பறிகொடுத்தான்

ஏழையின் அழுகுரல் உனக்கு
கேட்கவில்லையா?
இரக்கம்கொள்ள என்னவோ உனக்கு
இதயம் இல்லையா?

போய்விடு!போய்விடு!
புயலே நீ போய்விடு!

உன்னுடன் பிறந்த உறுப்பினர்
எத்தனையோ
எங்களிடம் உறவுகொள்ள
உண்னிடம் இழப்பதற்க்கோ
எங்களிடம் ஒன்றுமில்ல

நிவாரணம் என்ற பெயரில்
எம் தலைவர் பணமழையில் நீந்துகிறார்
பேரிடர் என்ற பெயரில்
நாங்களோ கண்ணீரில் நீந்துகிறோம்

போய்விடு!போய்விடு!
புயலே நீ போய்விடு! 

கறுப்பு

இன்று சமூகத்தால் எதிர்ப்புக்காக மட்டும் பயன்படுத்தப்படும் நிறமாக உள்ள கறுப்பு நிறத்தை வைத்து எழுதும் கவிதை

எதிர்ப்பு என்ற பெயரில் உன்னை 

எடுத்துக்காட்டும் மூடர்கள் 

கருவிழி கறுப்பபானதால் 

அதைத் தோண்டி எடுப்பாரோ ?

தலைமயிர் கறுப்பு என்பதால் 

பிடுங்கி எறிவாரோ ?

உடல்நிறம் நீயானதால் 

முகத்தில் சாயம் பூசுவரா?

தமிழனின் உண்மை நிறமாய் 

நீ இருக்கிறாய்

ஏனைய நிறங்களை ஏங்கவிடும் 

தலைவனும் நீதான் 

அரசியல் கட்சிக்கொடிகளின் 

அரசனும் நீதான் 

இருளுக்கு உரிமையான 

உன்னைக்கண்டு அஞ்சி ஓடும் 

இவர்கள் 

உனக்கு தேசியக்கொடியில் 

இடம் தராத வருத்தம் 

ஒன்றுதான் என்னை 

வாட்டுகிறது. 

திசைமாறி பாயும் தாமிரபரணி

கடந்த சில நாட்களாக மேற்கு தொடர்ச்சி மலையில் பெய்துவரும் கனமழையின் காரணமாக தாமிரபரணி ஆற்றில் வெள்ளம் பெருக்கெடுத்து ஓடுகிறது. வெள்ளத்தின் காரணமாக குறுக்குத்துறை கோவில் மூழ்கிவிட்டது.

தாமிரபரணி வெள்ளம் கிழக்கே தூத்துக்குடி கடலில் வீணாக செல்கிறது. அதை தடுத்து விவசாய பாசனத்திற்க்காக தண்ணீர் வழங்கலாம். ஆற்றிற்கு வடக்கே கோவில்பட்டி நோக்கி ஒருகால்வாய் வெட்டி வடக்கிலுள்ள கிராமங்களுக்கு தண்ணீர் வழங்கலாம். 

ஆற்றிற்கு தெற்க்கே கால்வாய் அமைக்க தேவையில்லை. ஏனென்றால், ஏற்கனவே ஒரு கால்வாய் அமைக்கப்பட்டுள்ளது. அமைத்து என்ன பயன். ஒரு பயனும் இல்லை. தங்க நாற்கர சாலை கால்வாய்க்கு இடையில் செல்கிறது. 

அதில் ஒரு பாலம் அமைந்தால்தான் தண்ணீர் மேற்கிலிருந்து கிழக்கே செல்லும். நாற்கர சாலை அமைக்கும்போதே அதில் பாலம் அமைக்காமல் செயல்பட்டது நம் சீர்கெட்ட அரசு. மூன்றடைப்புக்கு தெற்க்கே உள்ள அந்த கால்வாயில் தயவுசெய்து பாலம் அமைத்து தரும்படி அரசாங்கத்திடம் கேட்டுக்கொள்கிறேன். 

ஏனென்றால் ஆந்த கால்வாயை நம்பி ஐந்தாயிரம் ஏக்கர் விவசாயநிலம் காத்திருக்கிறது. எனவே, வீணாக கடலில் சேரும் தாமிரபரணி தண்ணீரை கடலில் கலக்க விடாமல் விவசாயத்திற்கு வழங்குங்கள் என்று அரசிடம் கேட்டுக்கொள்கிறேன்.

நம் மாநிலத்திற்கு வடக்கே உள்ள கர்னாடக மாநிலம் தண்ணீரை சேமிப்பதற்கு ஏராளமான அணைகளை கட்டிவைத்துள்ளது. ஆனால், நம் தமிழ்நாடு அரசு?

தாமிரபரணியை சேமித்து வைக்க சேர்வலாறு அணை. காவிரியை  சேமித்து வைக்க மேட்டூர் அணை. இந்த இரண்டு அணையும் காமராஜர் முதலமைச்சராக இருந்தபோது கட்டப்பட்டுள்ளது. அவருக்கு பிறகு ஒரு அணைகூட கட்டப்படவில்லை.

இப்போது உள்ள அரசியல்வாதிகள் எல்லோரும் பணத்தை சேமிப்பதில் குறிக்கோளாக வைத்துள்ளார்கள். வேறுஎங்கிருந்து தண்ணீரை சேமிப்பார்கள். கர்நாடகா அரசு நமக்கு தண்ணீர் தருவதே அதிசயமாகத்தான் நடக்கும்.

தற்போது அங்கு பெய்து வரும் கனமழையால் தங்களுக்கு பாதிப்பு வந்துவிடக்கூடாது என்று கபினி அணையை முழுவதும் திறந்து விட்டனர்.

காவிரி தண்ணீர் முழுவதும் தமிழ்நாட்டை நோக்கி பாய்ந்து வருகிறது. ஆனால், அதை சேமித்து வைக்க ஒரு அணைகூட இல்லை.தாமிரபரணியை சேமிப்பது நம் அனைவரின் கடமை என்பதை உணரவேண்டும்.

'நீரின்றி அமையாது உலகு' என்ற வள்ளுவனின் வாக்குப்படி நாம் அனைவரும் மழைநீரை சேமிப்போம்.

தமிழ் எங்கள் இளமைக்குப் பால்

        

  தாய்மொழிக்கு நிகர் வேறுமொழிஇல்லை
 இன்பத்தமிழ் மொழிக்கு இணை ஏதும் உண்டோ!
 அகம் எங்கள் அன்பின் தொடக்கம்
 புறம் எங்கள் வீரத்தின் விளைநிலம்
 வள்ளுவனின் முப்பாலும்
 ஐம்பெரு ஐஞ்சிறு காப்பியத்தோடு
 உலக மொழிகளின் முதன்மைக்கும்
முதல் மனிதன் தோன்றியதற்கும்
உரிமை கொண்டது என் தமிழ்
பாரதி பாடிய பெண்விடுதலையும் 
பாரதிதாசன் அருளிய தமிழின் இனிமையும்  தமிழ்த்தேனாக  என் காதில் நுழைந்து
மனத்தேனாக  மகிழவைத்து
என் இளமைக்கு பாலாக இருந்து
அறிவை வளர செய்கிறது

சுற்றுசூழல் பாதிப்பு பற்றிய கைகூ

குளத்தில் மாடுகள் குளிக்க 

பிறகு நாம் அதை குடிக்க 

பணமழையால் பெருகியது 

மருத்துவரின் சட்டைப்பை 

கழிவுநீர் எல்லாம் ஆற்றிலே 

ஆற்றுநீர் அனைத்தும் குடலிலே  

கழிவறையில் ஏற்பட்ட 

வெள்ளப்பெருக்கு 

பாலிதீன் பயன் 

ஒரு நிமிடம்

அது மக்க 

ஆயிரம் ஆண்டுகள் 

போர்வெல் நிலத்தில் 

போர்செய்ய 

நிலநடுக்கம் பூமியில் 

நிமிர்ந்து நிற்கும் 

ஸ்டெர்லைட் நமது 

நண்பன் 

அணைத்து தீமையும் 

செய்கிறான்

  

 

உயிரெழுத்தின் சிறப்பு

 அம்மா என்ற அழகையும்

 

ஆண்டாள் அருளிச்செய்த திருப்பாவையும் 

 இரண்டாயிரம் ஆண்டு பழமையும் 

ஈதல் குணம் கொண்டதும் 

உலக மொழிகளுக்கு முதன்மையாகவும்

 

ஊக்கம் தரும் உயர்ந்த மொழியாகவும் 

எளிமையின் சிகரமாய் இருக்கும்

 

ஏகாரத்தைக்  கொண்டு அமையும்

 

ஐம்பெரும்காப்பியத்தை அள்ளித்தரும்

 

ஒட்டக்கூத்தன்  ஒப்பனை செய்யும்

 

ஓவியத்தின் பிறப்பிடமாக திகழும் 

 

ஓளவையின் அறிவிலக்கியம் தமிழ்மொழி 

இதயம் தழுவிய ஈரக்காற்று

அன்று இரவு
அம்மாவாசை தான்
இருப்பினும்
நிலவும்
நட்சத்திரமும்
தோன்றியது

தொலைவில் சென்ற பேருந்தில் 
இருந்து
ஊரைப் பார்த்தபோது
ஒளிரும் விளக்குகள்
நட்சத்திரமாய் ஜொலிக்க
அதன் அழகை கண்டு
ஜன்னல் கம்பியில் தலை சாய்க்க
இரவு நேர ஈரக்காற்று
இதமாய் தழுவியது
இதயத்தை

இளைஞனே வா

இளைஞனே வா! வா! 

இமயம் தொடுவோம் வா! வா! 

இல்லை என்ற வார்த்தை 

இதயம் சொல்லிடலாமா!

உயிர் மூச்சை உதறி தள்ளு 

வாய்மை மட்டும் வெல்லும் 

உலகுக்கு உரக்க சொல்லு 

சாதிகளையெல்லாம் ஓரங்கட்டி 

சமத்துவம் செய்வோம் வா! வா!

இல்லை இங்கு ஏழை 

வறுமை வந்த வலி திரும்பும் 

திசையெங்கும் மொனங்கள் பெருகும் 

நம் ஒற்றுமை கண்டு உருகும் 

மனங்கள் உண்டு 

ஒன்றுபட்டு உழைத்தால் 

கானல் நீரல்ல கனமழைதானே!

நம்மால் முடியும் வா! வா! 

இன்றே முடியும் வா!வா!

காவிரியை மீட்போம்

காவிரி தண்ணீரை மீட்டுக் கொண்டு வருவோம் என்று ஒரு தமிழன்
                                                        எழுதும் கவிதை

தமிழனுக்கு விவசாயம் ஒன்றுதான் ஆதாரம்
அந்த ஆதாரமோ இன்று அழியும்நிலையில்
அழியப்போகும் விவசாயத்தை அழியவிடுவோமோ !
ஆணித்தனமாக ஆதாரத்தை நிலைநாட்டுவோம்

காவிரியை மீட்டெடுக்க பரணி கொதிக்கிறது
காவிரியை கொண்டுவர வைகை துடிக்கிறது

விவசாயத்தை பாதுகாக்க வீதியிலே போராட்டம்
பணத்தை பெருக்கிக்கொள்ள விளையாட்டரங்கில்  சூதாட்டம்

விவசாயி துயர்  நீக்க எழுந்தது எங்க தமிழ்கூட்டம்
சுயநலமாய்  வாழுது இங்க ஒரு பெருங்கூட்டம்

விவசாயம் இல்லையேல் சோத்துக்கு என்ன செய்வாய்
விவசாயம் அழிந்தபின்னே பணத்தை திம்பயோ !

காமராஜர் இருந்திருந்தால் கண்கலங்கி நிப்போமோ!
உங்கள் கன்னத்தில் அறைந்து காவிரியை மீட்டிருப்போம்

தாரை தாரையாய்  விழும் மழையால் தண்ணீர்வந்தது
அதைத்தடுக்க  எவ்வாறு உனக்கு தைரியம் வந்தது ?

காவிரி தமிழ்நாட்டில் பாயவில்லையானால்
கர்நாடகாவில் எங்கள்  உழிஞை படை பாயும்

இன்று அகிம்சைவழி நடக்கும் இந்த அறப்போராட்டம்
நாளை ஆயுதம் ஏந்தும் அதிரடிப்போராட்டமாக மாறும்

 கர்நாடகாவில் நுழைந்து உங்களை களையெடுத்து
காவிரியை மீட்டுக் கொண்டுவருவோம் .

தரையில் வானம்

   

ஒருவன் நமக்கு மேலே இருக்கும் வானத்தை நம்கூடவே இருப்பதாக நினைத்து எழுதும் ஒரு படைப்பு

மண் இருப்பது தரையில்தான்
     மனிதன் இருப்பதும் தரையில்தான்
மரம் இருப்பதும் தரையில்தான்
     மக்கள் இருப்பதும் தரையில்தான்

நாம் பிறந்த சில மாதத்தில் தரையில் தவழ்கிறோம்
     வளர்ந்து பெரிதாகி வானில் பார்க்கிறோம்
விண்ணை ஆய்வு செய்யும் விண்வெளி நிலையம் உண்டு 
     மண்ணை வளப்படுத்த விவசாய தொழிலும் உண்டு 

வானம் பூமியை அடைய  வாய்ப்பில்லை 
      பூமி வானத்தை அடைய வாய்ப்பில்லை 
ஆனால் ஒரு வழியில் வானம் நம்மிடம் வருகிறது 
     அதுதான் மழை வழியாக 


நாம் மழைநீரை தொடும்போது 
     வானத்தை தொடுவதாக உணர்கிறோம் 
வானம் என் வீட்டில் என்று 
     புகழ் பாடுகின்றோம் 

ஆதலால் வானம் இருப்பதும் தரையில்தான் 
     வான் நிலவு இருப்பதும் தரையில்தான் 
தரையில் வானம் என்று சொல்வதில் ஐயமில்லை

என் மனதில் பதிந்த இந்தியா

எங்கள் தேசம் இந்தியா
இனிய தேசம் இந்தியா
மூன்று பக்கம் கடல்
நான்கு பக்கம் புகழ்
கொண்ட தேசம் இந்தியா

ஒற்றுமையின்  இலக்கணம் இந்தியா
இயற்கையின் இருப்பிடம் இந்தியா
போர்வீரரின் பிறப்பிடம் இந்தியா
கல்வியின் கல்வெட்டு இந்தியா

கங்கை யமுனா பாயும் தேசம் இந்தியா
காவிரி பாய்ந்து செழிக்கும் தேசம் இந்தியா
வைகையை வணங்கும் தேசம் இந்தியா
வாகைசூடும் வல்லமை தேசம் இந்தியா


காந்தி நேரு பிறந்த நாடு இந்தியா
அண்ணா அம்பேத்கார் வளர்ந்த நாடு இந்தியா
பாரதி போற்றும் உயர்ந்த நாடு இந்தியா
பலமொழிகள் பேசும் பரந்த நாடு இந்தியா

நேர்மை இதன் நேசம்
வாய்மை இதன் வாசம்

உண்மை இதன் உறைவிடம்
தாய்மை இதன் தலைமையிடம்

வீரம் இதன் பிறப்பு
வெற்றி இதன் சிறப்பு

அறிவே இதன் ஆக்கம்
உளவியல் இதன் ஊக்கம்

கருணை இதன் கருவிழி
இரக்கம் இதன் இருவிழி

அகிம்சை இதன் அருமை
சுதந்திரம் இதன் பெருமை

வந்தே!  மாதரம்

எங்க ஊரு வெட்டிமடம்

எங்க ஊரு நெடுங்குளம். என்னங்க தெரியாத ஊரோட பெயரா இருக்கா. ஆமாங்க என் ஊரு ஒரு சின்ன கிராமம். எங்க ஊருல மொத்தம் 3000 மக்கள் இருக்காங்க. அதுல ஆண்கள் 1750 மற்றும் பெண்கள் 1250. எங்க கிராமத்தில் நான் இருக்கக்கூடிய தெரு பெயர் யாதவர் தெரு. எங்க தெருவுல பிள்ளையார் கோவில் ஒன்று உள்ளது.

அங்கதாங்க இளவட்ட பயனுவோ எல்லோரும் ஒண்ணுகூடுவோம். எல்லா நாளுமே இங்க ஒரு கூட்டம் இருக்கும். அந்த கூட்டத்தோட பெயர் வெட்டிக்கூட்டம் . அவுங்க இருக்கும் அந்த இடத்தையும் இப்போ வெட்டிமடம் என்று அனைவரும் கூறுகிறார்கள் 

பிள்ளையாரும் இவர்களின் பேச்சைக்கேட்டு கேட்டு அவரும் வெட்டி பிள்ளையாராக மாறிவிட்டார். ஒருபக்கம் அரசியல், மற்றொருபக்கம் அடுத்தவர்களின் கதை, சிரிப்பு என்ற பெயரில் சிலர் கடுப்பு ஏத்துவது. அனைத்தும் அங்கு நடக்கும்.


சிரித்துவாளா வேண்டும்
   பிறர் சிரிக்க வாழ்த்திடாதே!
   
என்ற பாடல் வரிகளுக்கு அர்த்தம் தெரியாமல் ஒருவர் காமெடி செய்ய அனைவரும் சிரிப்பது அங்கு ஒரு கலைவிழா போன்று இருக்கும்.

ஒருவனை அவன் முகத்தை பார்த்து பேசாமல், அவன் சென்ற பிறகு அவனது முதுகை பார்த்து பேசும் கொலைகளும் அங்கு இருப்பார்கள்.

இவ்வேட்டிமடத்தில்  இருப்பவர்கள் பள்ளி சிறுவர்களையும் தன்னுடன்  சேர்த்து வைத்து அவர்களுக்கு தேவை இல்லாத கதைகளை கூறுவார்கள்.
வெட்டிமடத்தில் பேசும் ஒன்றும் பயன்தரக்கூடியதாக இருக்கவே இருக்காது.

விடுமுறை விட்டால் போதும் அணைத்து சிறுவர்களும் அங்கே கூடுவார்கள். வாழ்க்கைக்கு பயன்தரக்கூடிய எந்த செயலிலும் அவர்கள் ஈடுபடுவதில்லை. அனைத்தும் பொழுதுபோக்கு சார்ந்ததாகவே இருக்கும். ஒருவனை தூண்டிவிட்டு வேடிக்கை பார்க்கும் வேலையும் அங்கே நடக்கும்.

இலக்கு இல்லாத மனிதன்
      கூடைச்சாம்பலுக்கு  சமம்!

என்பதை அறியாத இவர்கள் எந்த இலக்குகளும் இல்லாமல் இருப்பது இவர்களை காலம் எப்படி உயர்த்தும். வெட்டிமடம் இருப்பதால் எவரும் உயரமுடியாத நான் அந்த கூட்டத்தை திட்டமிடவிருக்கிறேன்.

எனது தெரு உயருவதற்கு நல்லவழிகளை உருவாக்க தொடங்கிவிட்டேன்.
அதுபோல நீங்களும் நல்ல காரியங்களை உங்கள் அருகில் இருப்பவர்களுக்கு செய்து பாருங்கள் .